Heim / Silungsveiði / Silungur á Suðvesturlandi / Elliðaár – vorveiði

Elliðaár – vorveiði

Elliðaár eru ár sem renna frá Elliðavatni skammt frá Reykjavík, um Elliðaárdal og út í Faxaflóa. Árnar kvíslast og því heita þær Elliðaár en ekki Elliðaá. Elliðaárnar eru lindár sem koma úr lindum við Elliðavatn, í Heiðmörk og á Mosfellsheiði. Meðalrennsli ánna er um 5 m3/s.

Árnar og vatnið eru kenndar við skip Ketilbjörns gamla landnámsmanns sem getið er í Landnámu. Við Elliðaár var fyrsta virkjunin á Íslandi byggð árið 1921. Í ánum veiðist lax og silungur.

Undanfarin ár hefur boðið upp á stórskemmtilega vorveiði á urriða í Elliðaánum. Þessi tími hefur verið vel nýttur af veiðimönnum og hefur alla jafna veiðst vel. Lífríkið í ánni er mjög gott og stofn staðbundins urriða sterkur.

Seldar verða 2 stangir, hálfan dag í senn, fyrir eða eftir hádegið, og nær tímabilið frá 1. maí til 15. júní.
Um er að ræða veiðisvæði sem nær frá Höfuðhyl að og með Hrauni.

x

Check Also

Mjóavatn í Þingvallahreppi

Mjóavatn er lítið 0,75 km² vatn í Þingvallahreppi, Árnessýslu við hliðina á Stíflidalsvatni, en lækur rennur úr Mjóavatni í Stíflidalsvatn. Það hefur verið mælt dýpst ...