fbpx
Svæði sem vert er að skoða

Sog – Alviðra

Sogið er 19 kílómetra löng lindá sem fellur úr Þingvallavatni. Það er vatnsmesta lindá landsins með meðalrennsli upp á 110 m³/s. Mikil lax- og silungagengd er í ánni, en hún minnkaði þó til muna þegar Ljósafossstöð, fyrsta af þremur virkjunum árinnar, var byggð. Hinar virkjanirnar eru Steingrímsstöð og Írafossstöð. Sogið mætir Hvítá og myndar Ölfusá við Öndverðarnes.

Í Soginu eru tvö stöðuvötn, Álftavatn sem er grunnt og Úlfljótsvatn sem er fyrir neðan Dráttarhlíð sem skilur það frá Þingvallavatni. Álftavatn er eina almennilega vaðið á ánni þangað til hún var brúuð við Alviðru árið 1905.

Silungasvæðið við Alviðru er þriggja stanga svæði sem bæði er þægilegt yfirferðar og í fögru umhverfi.
Í Alviðru leynist talsvert af bleikju, og hún getur verið í stærri kantinum eins og á öðrum svæðum í Soginu. Enn vantar mikið upp á að allir leyndardómar svæðisins í þessum efnum hafi verið uppgötvaðir.

Gefðu svæðinu þína umsögn

Netfang þitt verður ekki birt. Nauðsynlegir reitir eru merktir *

*

x

Check Also

Brúará Sel - Veiðistaðavefurinn

Brúará Sel

Brúará Sel er svæði í Brúará sem tilheyrir bænum Sel og er á suðurlandi í ...