Áhugaverð svæði
  • Breiðdalsá

    Ægifagurt umhverfi og mikil stórlaxavon

  • Breiðdalsá

    Ægifagurt umhverfi og mikil stórlaxavon

  • Breiðdalsá

    Ægifagurt umhverfi og mikil stórlaxavon

  • Breiðdalsá

    Ægifagurt umhverfi og mikil stórlaxavon

  • Breiðdalsá

    Ægifagurt umhverfi og mikil stórlaxavon

Breiðdalsá

Breiðdalsá - Veiðistaðavefurinn

Breiðdalsá er ákaflega falleg 6 – 8 stanga laxveiðiá í um 615 km fjarlægð frá Reykjavík og í um 80 km fjarlægð frá Egisstöðum.

Áin á upptök sín til fjalla þar sem lækir tínast saman og verður svo til þar sem Tinnudalsá, Suðurdalssá, og Norðurdalsá renna saman, og rennur hún svo til sjávar hjá Breiðdalsvík.

Umhverfi Breiðdalsár er stórbrotið og sagt er að menn veiði óvíða í eins fallegri á en Breiðdalsá.

Aðkoma að hinum fjölmörgu veiðistöðum árinnar er til fyrirmyndar enda hefur verið unnið að vegslóðum að veiðistöðum á hverju ári af veiðifélagi Breiðdæla.

Undanfarin ár hefur veiðin verið með ágætum og hefur meðalveiðin frá árinu 2000 verið um 680 laxar, en undanfarin ár hefur hún verið í 3 – 400 löxum.
Margur stórlaxinn hefur einnig heimsótt agn veiðimanna hér.

Laxveiðisvæði Breiðdalsár spannar alla ánna, auk Suðurdalsáar og Norðurdalsáar.

Breiðdalsá er einnig með gjöfult silungasvæði þar sem veitt er allt frá 1. maí ár hvert og út tímabilið. Sjá nánar hér.

Leyfðar eru 6 – 8 stangir út tímabilið sem nær frá 8. júlí og nær til 30. september.
Silungasvæði Breiðdalsár fylgir öllum veiðileyfum sem og eitt glæsilegasta veiðihús landsins þar sem skildugisting er.
Yfirleitt er um að ræða þriggja daga holl í Breiðdalsá.

Veiðireglur: Fluguveiði er eingöngu leyfð í júlí og ágúst, en spónn er einnig leyfður í september og síðan maðkur einnig síðar í september. Skylt er að sleppa aftur öllum löxum 70 cm og stærri eða setja í klakkistur. Leyfilegt er að hirða tvo laxa á stöng á dag undir þeim mörkum en öðrum skal sleppt.

Á bökkum Breiðdalsár í landi Eyja, sem eru neðarlega við ána, er nýlegt veiðihús sem býður upp á eina glæsilegustu gistiaðstöðu á landinu. Þar eru átta tveggja manna herbergi, hvert með sérbaðherbergi, gervihnattasjónvarpi og internettengingu.

Þar af bíður glæsisvíta þeirra sem virkilega kunna að vera góðir við sjálfa sig. Í húsinu er gufubað og þaðan er útgengt í heitan pott. Borðstofa og setustofa eru með konunglegum aðbúnaði þar sem glæsilegur arin er áberandi ásamt uppstoppuðum fuglum og fiskum á veggjum. Stór verönd er með grilli og góðri aðstöðu til útiborðhalds. Glæsilegt útsýni er yfir ómótstæðilegan fjallahring Breiðdalsins.

 

Umsjónarmaður/veiðivörður:
Sigurður Staples (Súddi) Sími 660 6894 og 475 6776.

Vinsælar flugur í Breiðdalsá

Fish Partner

Gefðu svæðinu þína umsögn

Netfang þitt verður ekki birt. Nauðsynlegir reitir eru merktir *

*

x

Check Also

Selá í Álftafirði

Selá í Álftafirði er tveggja stanga 15 km löng dragá í um 500 km fjarlægð ...