Veiðistaðavefurinn
Geirlandsá á Síðu er bergvatnsá sem er staðsett í V-Skaftafellssýslu í um 275 km fjarlægð frá Reykjavík, og einungis í um 3 km fjarlægð frá Kirkjubæjarklaustri.
Geirlandsá á upptök sín uppi á vesturhálendi Kaldbaks í Geirlandsbotnum sem liggur í um 600 metrum yfir sjávarmáli, og er lengd hennar um 22 km.
Áin er fiskgeng upp að Hagafossi sem er um 12 km kafli.
Fyrir neðan fossinn rennur áin í hrikalega fögrum gljúfrum sem breikka svo er neðar dregur en þar fer áin að sveigja um gljúfurbotninn og rennur svo um flatlendi þar sem malarbotn er og að lokum á söndum.
Geirlandsá hefur fest sig í sessi sem ein af fremstu sjóbirtingsám Íslands, en einnig er um að ræða nokkuð mikla laxa- og bleikjuvon. Þarna veiðast gríðarstórir sjóbirtingar á hverju ári, allt að 15 punda fiskar.
Veiðisvæðið er öll áin, eða allt frá Hagafossi sem er efsti veiðistaður árinnar og niður fyrir þjóðvegsbrúnna á neðsta veiðistaðinn sem er Garður.
Veitt er á fjórar stangir allt tímabilið sem nær frá 18. júní til 18. október.
Þarna er einnig stunduð vorveiði frá 1. apríl til 13 júní.
Gott veiðihús fylgir seldum veiðileyfum.
Geirlandsá – skemmtilegar myndir frá svæðinu:
