Varmá – Þorleifslækur

Varmá er í Hveragerði, um hálftíma akstur frá Reykjavík, rennur um Hveragerði og eftir að hún hefur sameinast Sandá nefnist hún Þorleifslækur sem rennur í Ölfusá, um 6 km frá sjó.

Vatnasvæði Varmár er um margt sérstakt en þar má finna allar tegundir íslenskra ferskvatnsfiska en sjóbirtingurinn er þó alls ráðandi á svæðinu.

Sumarið 2015 var frábært veiðisumar í Varmá. Margir stórir staðbundnir urriðar veiddust ásamt sjóbirtingum, um og yfir 80 cm. Sumarið sýndi að áin er komin til baka eftir klórslysið, sem hún varð fyrir árið 2007.
Það leynast gríðalega stórir og sterkir fiskar í þessari litlu og nettu á. Varmá er tilvalin til að leiða unga veiðimenn inn í undraheim stangaveiðinnar.

Veiðitímabilið er langt á bökkum árinnar, það hefst strax í apríl og stendur allt fram til 20. október. Hér er griðastaður fluguveiðimanna en rétt er að taka fram að til þess að hlúa að fiskistofnum þessa viðkvæma vatnasvæðis er kvótinn 1 fiskur á hverja stöng á dag en það má að sjálfsögðu veiða og sleppa að vild eftir það.
Einnig biðlum við til veiðimanna að sleppa þeim stóru og skrá allan veiddan afla í veiðibókina, sem staðsett er í veiðikofa, því enn má bæta skráningu. Undanfarin sumur hafa verið skráðir um hundruðir fiska í veiðibókina en skráningin samt af skornum skammti. Veiðimenn mega vera spenntir fyrir komandi veiðitímabili í Varmá!

Vinsælar flugur í Varmá:

Fleiri veiðistaðir:

Langá á Mýrum – Full Blanda 3 – veiði ofarlega í Langadal Breiðdalsá silungasvæði Blanda svæði 4