fbpx
Svæði sem vert er að skoða
Heim / Laxveiði / Laxveiði á Vesturlandi / Langá á Mýrum – Full
  • Langá á Mýrum

    Ein af bestu laxveiðiám landsins

  • Langá á Mýrum

    Ein af bestu laxveiðiám landsins

  • Langá á Mýrum

    Ein af bestu laxveiðiám landsins

  • Langá á Mýrum

    Ein af bestu laxveiðiám landsins

Langá á Mýrum – Full

Langá á Mýrum er lindá, sem rennur úr Langavatni í Langavatnsdal. Skammt fyrir neðan brúna á þjóðveginum er í ánni Sjávarfoss, þangað sem gætir sjávarfalla og nokkru ofar fossinn Skuggi. Í minni Grenjadals er mikill laxastigi við Sveðjufoss og annar hjá fossinum Skugga og nokkru neðar við brúna er Langárfoss, þekktur laxveiðistaður. Urriðaá fellur í Langá á leirum við ósinn og um 5 km frá upptökum rennur úr Langá Gljúfurá, sem síðan rennur í Norðurá, skammt frá ármótum hennar við Hvítá.

Langá á Mýrum er ein af bestu laxveiðiám landsins og á sér fjölmarga aðdáendur. Hún er fjölbreytt veiðiá með um eitt hundrað skráða veiðistaði.
Veiðin í Langá sumarið 2013 var frábær, 2.815 laxar komu á land, sem er önnur besta veiðin í Langá, og árið 2015 komu 2.616 laxar á land.
Horfur fyrir næsta ár eru góðar en mælingar vísindamanna á seiðabúskap Langár sýna að lífríki árinnar er í blóma. Vonir veiðimanna standa því til að veiðin í Langá verði áfram góð en mesta veiðin í Langá var sumarið 2008 þegar veiddust 2.970 laxar í ánni.
Veitt er á 8-12 stangir í ánni en sumarið 2014 verður boðið upp á þá nýjung að hægt verður að kaupa 4 stangir sem veiða saman á svæði með möguleika á að borða kvöldverð saman í notalegum matsal í nýrri viðbyggingu Langárbyrgis sem tekin var í notkun sumarið 2013.
Smærri hópar geta því notið sín og verið út af fyrir sig þó svo að fleiri séu að veiðum á sama tíma en nýi salurinn rúma allt að átta veiðimenn.

Langá hefur líklega forðum haft afrennsli niður Hraundal áður en þar varð eldgos í Rauðukúlum (291 m) sem stíflaði afrennsli niður í dalinn. Ofan hraunsins myndaðist Sandvatn og Langá fékk afrennsli suðaustur úr Hraundal og út í Borgarfjörð fyrir vestan Borgarnes.

Síðustu sjö daga tímabilsins verður boðið upp á staka daga í Langá án fæðis- og gistingar. Veiðimenn hafa aðgang að vöðlu- og laxageymslu en veiðihúsið verður lokað. Aðeins verður veitt á 8 stangir og því mjög rúmt um veiðimenn. Þetta er einstakt tækifæri fyrir þá sem vilja kynnast töfrum Langár í mögnuðum umhverfi á Mýrunum.

Veitt er á 8 – 12 stangir á dag og er daglegur veiðitími frá morgni til kvölds, kl. 7-13 og 16-22.
Eftir 16. ágúst er veitt á seinni vaktinni frá kl. 15-21.
Á stökum dögum í september er veitt frá 8-20 án hlés.

VEIÐIHÚS: Það væsir ekki um veiðimenn í Langárbyrgi sem stendur á bökkum hinna rómuðu Hvítsstaðahylja. Húsið er nýlegt með tólf tveggja manna herbergjum með baðherbergi. Í gufubaðinu er kjörið að fara yfir helstu afrek dagsins á bakkanum og aðstaða fyrir vöðlur, skó og tilheyrandi er jafnframt mjög góð. Nýr rekstraraðili, Magnús Héðinsson, mun sjá um rekstur Langárbyrgis frá og með sumrinu 2014. Magnús hefur mikla reynslu af rekstri veiðihúsa og rak veiðihúsin í Þverá og Kjarrá í 23 ár. Með góðum aðbúnaði og framúrskarandi þjónustu í veiðihúsinu er SVFR með markvissum aðgerðum að gera upplifun veiðimanna einstaka og eftirminnilega. Verð fyrir húsið er 24. júní – 3. júlí kr. 14.900 Verð 3. júlí – 27. ágúst kr. 23.900 Verð 27. ágúst – 19. september kr. 11.900 3.000 kr. aukagjald ef einn á stöng

LEIÐARLÝSING AÐ VEIÐIHÚSI: Eftir að keyrt hefur verið í gegnum Borgarnes er beygt á hringtorginu inn Snæfellsnesveg (nr. 54). Áður en keyrt er yfir Langánna þá er beygt til hægri inn veg 536 í átt að Jarðlangsstöðum og sem leið liggur í gegnum nokkuð þétta sumarbústaðarbyggð. Þegar komið er að Jarðlangsstöðum sem eru þá á hægri hönd ætti Langárbyrgi að standa í öllu sínu veldi vinstra megin við veginn.

Ríflegur kvóti Það er til marks um góða veiði í Langá að kvóti veiðimanna á hverri vakt er ríflegur eða 5 laxar á stöng. Það eru vinsamleg tilmæli til veiðimanna að sleppa 70 cm laxi og stærri í ána aftur í samræmi við tilmæli Veiðimálastofnunar og SVFR.

Vinsælar flugur í Langá á Mýrum

Gefðu svæðinu þína umsögn

Netfang þitt verður ekki birt. Nauðsynlegir reitir eru merktir *

*

x

Check Also

Svínafossá

Svínafossá í Hvammsfirði

Svínafossá er í Hvammsfirði í um 134 km fjarlægð frá Reykjavík og var ein af ...