Selvatn, Miðdalsheiði

Selvatn er á Miðdalsheiði, í um 20km fjarlægð frá Reykjavík, og liggur í smá kvos sem veitir skjól fyrir veðri og vindum af Mosfellsheiðinni.
Þetta vatn er 0.38 km² að stærð og hefur mælst dýpst um 40 m, en það liggur í 131 m yfir sjávarmáli.

Gudduós nefnist ósinn þar sem lítil á rennur úr vatninu, en þessi á sameinast svo Hólmsá sem rennur í Elliðavatn.
Einhver veiði er í Selvatni,og er silungurinn þarna sagður vel vænn, allt að 4 punda fiskar, mest bleikja, en einhver urriði líka.

Ekki er vitað með sölu veiðileyfa í Selvatn, en heyrst hefur að veiðileyfi hafi áður verið seld í gegnum agn.is, og giltu þá veiðileyfin í Selvatn einnig í Silungatjörn.

Vinsælar flugur má telja upp:

• Tailor
• Pheasant Tail
• Mobuto
• Krókurinn
• Peacock
• Ýmsar straumflugur, s.s. Gray Ghost
• Einnig er mikið er af hornsílum í vatninu

Fleiri veiðistaðir:

Selvatn Eystra – Skagaheiði Selvatn nyrðra – Skagaheiði Silungatjörn Tangavatn & Tangavatnstjörn