Svæði sem vert er að skoða
Iceland Outfitters

Hvalvatn

Hvalvatn er mjög djúpt stöðuvatn, og er í raun annað dýpsta vatn Íslands, 4, 1 km² að flatarmáli, um 180 m djúpt þar sem dýpst er, og liggur í 378 m yfir sjávarmáli.
Vatnið er í Strandahreppi í Borgarfjarðarsýslu og er í stórbrotnu og fallegu umhverfi, en þarna eru Botnssúlur til suðurs, og Hvalfell til vesturs. Hægt er að komast í námunda við vatnið frá Uxahryggjavegi nr. 52., en frá Þingvöllum til Hvalvatns eru um 25km.
Botnsá rennur úr Hvalvatni til sjávar í Hvalfirði.

Það eru 2 tegundir af bleikju í vatninu, og getur önnur þeirra orðið gríðarstór. Heyrst hefur af kusum allt að 12 pund að stærð.
Heyrst hefur af bæði spikfeitum kuðungableikjum, og grindhoruðum, ljótum bleikjum, eftir því hvar í vatninu er veitt.

Ekki er vitað til þess að veiði sé almennt leyfð í Hvalvatni, eða hver getur gefið leyfi til veiða.

Gefðu svæðinu þína umsögn

Netfang þitt verður ekki birt. Nauðsynlegir reitir eru merktir *

*