Svæði sem vert er að skoða
Iceland Outfitters

Núpá

Núpá er dragá sem á upptök sín á hálendinu ofan Núpdals og leynir verulega á sér.
Áin á sameiginlegan ós með Haffjarðará á Löngufjörum við utanverðar Mýrar og er í eðli sínu silungsveiðiá, með laxavon.
Þessi á lætur ekki mikið yfir sér en á marga vænlega veiðistaði þar sem hún rennur lygn á milli malareyrar og grasbakka.

Hafbeitarlaxi var sleppt í Núpá til endurveiða fyrir allmörgum árum og gafst sú tilraun ágætlega og kom ánni á kortið með stórum löxum allt að 22 pund.
Það er ekki gert lengur eftir að hafbeitarstöðin í Lárósi gaf upp öndina og veiðast kannski 20 laxar hvert sumar núna í Núpá.

Bleikja og sjóbirtingur ganga í ánna í nokkrum mæli og er leyfð veiði á þrjár stangir út tímabilið sem byrjar í lok júní og nær fram í september.
Þetta er lítil og nett á sem þægilegt er að veiða með flugu, þó ekki sé hún talin mikil veiðiá.

Það er Svanur Guðmundsson í Dalsmyni sem er með veiðirétt hér og veitir upplýsingar um veiðileyfi.

Gefðu svæðinu þína umsögn

Netfang þitt verður ekki birt. Nauðsynlegir reitir eru merktir *

*