• Langavatn í Borgarbyggð

    Stórurriðavon í fallegu umhverfi

  • Langavatn í Borgarbyggð

    Stórurriðavon í fallegu umhverfi

  • Langavatn í Borgarbyggð

    Stórurriðavon í fallegu umhverfi

  • Langavatn í Borgarbyggð

    Stórurriðavon í fallegu umhverfi

Langavatn á Mýrum

Langavatn á Mýrum liggur í sunnanverðum Langadal í Mýrasýslu, norðaustur af Grímsstaðamúla.
Langavatn á Mýrum erum 5,1 km2 að flatarmáli og hefur verið mælt allt að 36 metra djúpt, þegar mest er í því. Það liggur 215 metra yfir sjávarmáli í fallegu umhverfi. Þangað rennur Langavatnsá að norðan, en Beilá að austan. Úr suðvesturhorni þess fellur hin kunna Langá til suðurs. Langavatn á Mýrum hefur verið notað til vatnsmiðlunar og því getur yfirborðshæð þess verið nokkuð breytileg.

Leiðin að Langavatni liggur eftir þjóðvegi nr. 1 um Borgarnes að Svignaskarði. Þar er ekinn 13 km. langur afleggjari, jafnan fólksbílafær, á vinstri hönd, upp með Gljúfurá. Þá er einnig fært að vatninu eftir leið upp með Langá.

Veiði er heimil í öllu vatninu en helstu veiðistaðir eru austarlega í vatninu við hólma, sem eru fram undan leitarmannakofa við vatnið. Góðir veiðistaðir eru einnig við útfall Langár.
Í vatninu veiðist bæði bleikja og urriði, bæði litlir og stórir fiskar, en meira en 8 punda urriðar hafa veiðst í vatninu.
Netaveiði er stunduð í vatninu en er bönnuð fyrir handhafa Veiðikortsins.

Daglegur veiðitími er frá kl 7:00 til kl 24:00 út tímabilið sem nær frá 15 júní og nær til 20. september.
Heimilt er að veiða með flugu, maðk, og spón eingöngu. Fyrri hluti sumars gefur jafnan vel.

Korthafar Veiðikortsins geta tjaldað endurgjaldlaust við vatnið, en enga hreinlætisaðstöðu er þar að finna.
Veiðmenn skulu hafa Veiðikortið á sér til að sýna veiðiverði þegar hann vitjar veiðimanna. Veiðimenn eru einnig vinsamlegast beðnir um að fylla út Veiðiskýrslu á vefnum og senda okkur með tölvupósti.

Langavatn á Mýrum – Vinsælar flugur:

x

Check Also

Flóðatangi

Flóðatangi er veiðisvæðið neðst í Norðurá við vatnamót Norðurár og Hvítar. Þetta er mjög aðgengilegt og fallegt tveggja stanga svæði og veiðist þar nokkuð af ...