Veiðistaðavefurinn
Hrófbergsvatn er í Hrófbergshreppi í Strandasýslu í tæplega 290 km fjarlægð frá Reykjavík og um 10 km fjarlægð frá Hólmavík.
Þetta er ákaflega djúpt vatn, um 0.30 km² að flatarmáli og liggur í 161 m yfir sjávarmáli. Hægt er að komast að vatninu um jeppaslóða frá þjóðvegi 61 sem liggur um Steingrímsfjörð.
Fitjavatn er við hlið Hrófbergsvatn, en þetta er lítið og grunnt 0,1 km² vatn sem er tengt Hrófbergsvatni í gegnum læk.
Í þessum vötnum er nokkuð mikið af allvænnri bleikju sem er yfirleitt um 1 ~ 3 pund að stærð.
Leyfilegt er að veiða á flugu, maðk, og spón út tímabilið, en þarna er veitt frá því ísa leysir og fram á haust.
Ekki er vitað til að takmörkun sé á stangarfjölda.
Veiðiréttur í þessum vötnum tilheyrir nokkrum jörðum og best að kanna með veiðileyfi á bæjum hjá vatninu
Myndir fengnar með leyfi frá JH – holmavik.123.is
Hrófbergsvatn – skemmtilegar myndir
