Voli – veiði nærri Selfossi

Voli er veiðisvæði skammt frá Selfossi og er auðveldlega aðgengilegt — aksturinn tekur ekki nema tíu mínútur hvort sem stefnan er að efri hluta Volasvæðisins eða neðri mörkum við Bár. Með Bitrulæk spannar Voli á bilinu 12–14 km og nær frá Þingborgarbrú að Bárbrú.

Veiðin

Volasvæðið er fjölbreytt veiðivatn þar sem lax, urriði, bleikja, sjóbirtingur og sjóbleikja — auk þess má stöku sinnum rekast á ál. Silungsveiðin er góð frá vorlokum og fram á haust og til að veiða á svæðinu þarf að kaupa veiðileyfi. Gott veiðikort fylgir leyfinu með skýrum vegamerkingum og staðsetningum veiðistaða.

Sérstakt vorleyfi gildir frá 2. apríl til 31. maí þar sem eingöngu er leyfð fluguveiði og er skilt að sleppa öllum fiski.

Veiðireglur

Heimilt er að taka þrjá fiska á dag á hverja stöng. Fiskar yfir 65 cm skulu látnir lausir og sjóbirtingur er friðaður eftir 10. október. Afli skal skráður í veiðibók sem er bæði í veiðihúsinu og í póstkassa við Þingborgarbrú.

Gisting og aðstaða

Á svæðinu stendur veiðihús við Bárbrú sem fylgir veiðileyfi án aukakostnaðar. Húsið rúmar 4–6 gesti og er búið rennandi vatni, salerni, raflýsingu og eldunaraðstöðu með gasi og grilli. Gestir eru beðnir um að rýma húsið fyrir kl. 19:00 á brottfarardegi og skila því í sömu ástandi og það var tekið við.

Fleiri veiðistaðir:

Mjóavatn í Þingvallahreppi Breiðdalsá silungasvæði Skjálfandafljót – silungasvæði Varmá – Þorleifslækur