Hrútafjarðará

Hrútafjarðará þriggja stanga laxveiðiá, er í Hrútafirði í um 160 km fjarlægð frá Reykjavík, og á upptök sín í Króksvatni á norðanverðri Tvídægru auk tjarna norðan Nautavatns.

Þessi á hefur um árabil verið ein besta og vinsælasta laxveiðiá landsins með 450 laxa meðalveiði á síðustu 10 árum sem telst dágott miðað veið að einungis er veitt á 3 stangir.

Veiðisvæði Hrútafjarðará er um 10 km langt og nær frá Réttarfossi niður á ósasvæðið, sem einnig er frábært sjóbleikjusvæði.
Sjóbleikjan er góður meðafli og reyndar getur veiðin verið þannig að sumir gera sérstaklega út á bleikjuna enda er stærðin á þeim eftirsóknarverð í Hrútu.
Einnig er leyfilegt að veiða í Síká en veiðisvæðið þar er um 4 km langt.

Sleppiskilda er á öllum laxi í Hrútafjarðará 70cm og stærri, og kvóti er upp á 2 laxa á stöng á dag.
Eingöngu er leyfð fluguveiði hér út tímabilið sem nær frá 1. júlí og nær til 30. september.

Gisting í veiðihúsinu er innifalin í verði veiðileyfa í Hrútafjarðará

Veiðihús fyrir Hrútafjarðará er í landi Bálkastaða neðarlega í ánni að austanverðu á milli Síkár og gamla Staðarskála.
Fjögur tveggja manna herbergi eru í húsinu sem eru uppábúinn og með handklæðum við komu veiðimanna sem mega koma um og eftir kl. 14 á komudegi. Því geta átta manns gist í veiðihúsinu. Tvö baðherbergi með sturtu, sérstakt vöðlu-og þurrkherbergi og fiskmóttaka eru í húsinu.
Gott eldhús og stofa með stórum arinn setur mikinn svip á allt húsið. Þráðlaust internet er til afnota fyrir gesti. Stór verönd með grilli er við húsið. Veiðimönnum ber að þrífa húsið fyrir brottför en einnig er hægt að kaupa þá þjónustu ef samið er um það fyrirfram.
Veiðimenn skulu hafa rýmt húsið kl. 13 á brottfarardegi.

Vinsælar flugur í Hrútafjarðará

Fleiri veiðistaðir:

Baugstaðarós við Stokkseyri Langá á Mýrum – Full Arnarvatnsheiði & Tvídægra Breiðdalsá silungasvæði