Svæði sem vert er að skoða
Heim / Gullskráningar / Veiðivötn
Iceland Outfitters
  • Veiðivötn

    Veiðiparadís á jörðu

Veiðivötn 5/5 (1)
5/51

Veiðivötn - veidistadir.is

Stærst vatnanna eru Litlisjór sem er um 9.2 km2 að flatarmáli, Grænavatn sem er 3.3 km2, og Snjóölduvatn sem er 1.6 km2 að flatarmáli. Þessi vötn eru ekki gígvötn og voru til fyrir árið 1480.…

Umsögn Veiðistaðavefsins

Verð veiðileyfa
Merkingar á veiðistöðum
Aðkoma að veiðistöðum
Almenn ánægja

Frábært

Umsögn : Umsögn : Hér gefur að líta stjörnugjöf Veiðistaðavefsins. Þessi stigagjöf hefur EKKI áhrif á heildarstigagjöf notenda sem gefur að líta fyrir aftan nafn veiðisvæðis. Þetta mat er sjálfstætt og er eingöngu mat aðstandenda Veiðistaðavefsins.

.

Veiðivötn er óhætt er að segja að séu ein rómuðustu, gjöfulustu, og frægustu veiðivötn landsins.
Um er að ræða vatnaklasa í Landmannaafrétti sem samanstendur af allt að 50 vötnum, sem mörg hver eru sprengigígar. Um er að ræða bæði lítil sem stór vötn sem eru í um 570 ~ 590 metrum yfir sjávarmáli.
Flestir telja Veiðivötn og veiðivatnasvæðið eitt það fallegasta á landinu.

Stærst vatnanna eru Litlisjór sem er um 9.2 km2 að flatarmáli, Grænavatn sem er 3.3 km2, og Snjóölduvatn sem er 1.6 km2 að flatarmáli.
Þessi vötn eru ekki gígvötn og voru til fyrir árið 1480.
Tjaldvatn og Breiðavatn eru grynnst, meðaldýpi þar er einungis um 1-3 m.

Á neðri hluta Veiðivatnasvæðisins eru gróðurlitlar vikuröldur og melar áberandi í umhverfi vatnanna en norðar setja mosavaxin hraun sterkan svip á landslagið. Hraunin og klepragígarnir á Hraunvatnasvæðinu eru sérlega tilkomumikil. Sömuleiðis eru fallegar hraunmyndanir í Fossvatnahrauni, við Skálavötn og Pyttlur.

Þetta er eitt af vinsælustu og eftirsóttustu veiðisvæðum landsins, og eru veiðileyfi þar svo eftirsótt að þau seljast yfirleitt upp á skömmum tíma. Það er því svo að mikið er setið um leyfi í Veiðivötn sem hafa gengið í erfðir milli manna.

Í Veiðivötnum mikið af gríðarvænum og öflugum urriða af ísaldarstofni, þ.e. sjóbirtingur sem lokaðist inni við lok síðustu ísaldar, og mikið af bleikju, bæði lítilli og stórri, og eru rómuð fyrir góða veiði.

Leyfð er veiði á bæði flugu, spón, maðk, og makríl í Veiðivötnum og er veitt á allt að 100 stangir þar á dag út tímabilið sem nær frá 18. júní og til 20. ágúst ár hvert.
Gistimöguleikar eru margir, en mörg veiðihús í nokkrum stærðum eru á staðnum sem hægt er að fá leigt, svefnpokapláss í skála, og tjaldsvæði fyrir bæði tjöld, tjaldvagna, og húsbíla.
Rafmagn, eldavélarhella, heitt og kalt vatn, rafljós og þilofnar eru í öllum veiðikofum. Vatnssalerni eru í öllum húsum nema einu.
Verð fyrir gistingu er hægt að finna á vef Veiðivatna; http://www.veidivotn.is
Gott G3 farsímasamband er á öllu Veiðivatnasvæðinu. Þó er sumsstaðar lítið samband í djúpum gígholum.

Kort í hliðarstiku: Kristján Friðriksson – fos.is

 

Vinsælar flugur:

Veiðivötn – skemmtilegar myndir:

Ein umsögn

  1. Smári Björn Þorvaldsson

    Góðann daginn og til hamingju með glæsilega síðu👍🏼
    Smári heiti ég og hef komið á hverju ári í vötnin frá árinu 1992.
    Fyrir mér er þetta svæði alger Paradís og hef ég oft verið þarna uppfrá 5-7 daga í senn. Veiði eingöngu orðið á flugu.
    Verð að enda á að hrósa ykkur með þennan vef glæsilegur í alla staði og nokkuð ljóst að maður á eftir að kíkja á hann á hverjum degi 😃
    Læt að lokum eitt myndband fylgja með þar sem ég er að landa einum 6punda úr Stóra-Skálavatni á smá skrautlegan hátt. Væri gaman ef þið vilduð láta það fylgja með hinum veiðivatna myndunum hér á síðunni.

    https://youtu.be/kCp6ZFyTidM

    MBK Smári Björn

    5/5

    5/5

Gefðu svæðinu þína umsögn

Netfang þitt verður ekki birt. Nauðsynlegir reitir eru merktir *

*