Veiðistaðavefurinn
Urriðavatn er í nágrenni Egilsstaða og er u.þ.b. 1,1 km², dýpst 15 m og í 40 m yfir sjó. Hafralónslækur og Merkilækur renna í Urriðavatn en þaðan er útfall Urriðavatnslækjar.
Urriðavatn er í 664 km. fjarlægð frá Reykjavík og 5 km. frá Egilsstöðum. Þjóðvegir 1 og 925 liggja við vatnið. Greiðfært er fyrir alla bíla að vatninu.
Það má veiða í öllu vatninu en helst er veitt í Hafralækjarósi hjá útrennsli Urriðavatnslækjar, en einnig við hitaveitutanka og víðar. Í vatninu er bleikja eingöngu sem er frá nokkur hundruð grömmum upp í 3 pund. Mest er um eins punda bleikjur.
Leyfilegt er að veiða frá morgni til kvölds.
Veiðitímabilið við Urriðavatn er allt árið, og má veiða í öllu vatninu.
Eingöngu má veiði með flugu, maðk, og spón.
Hægt er að kaupa tjaldstæði hjá Skipalæk sem er skammt frá Lagarfjóti. Ekki er heimilt að tjalda við vatnið.
Veiðivörður / umsjónarmaður á staðnum: Jón Steinar Benjamínsson, Urriðavatni, s: 471-2060
Vinsamlegast skiljið ekki eftir rusl og stranglega bannað er að aka utan vegar. Veiðikorthafar þurfa að skrá sig á bænum Urriðavatni og sýna nauðsynleg skilríki. Börn yngri en 14 ára veiða frítt í fylgd með korthafa.
Urriðavatn – Vinsælar flugur:
-
- Kibbi
-
- Mobuto
-
- Krókurinn
-
- Killer
-
- Peacock
-
- Bleik & Blá
-
- Heimasæta
