Urðarselstjörn – Skagaheiði

Malarvegur er frá Skagaströnd og fyrir Skaga. Hann tengir saman bæi sem allflestir eru við ströndina. Upp að veiðivötnum liggja víða jeppaslóðar. Örfáir þeirra eru vel færir, jafnvel fyrir fólksbíla, en um aðra þarf að aka á fjórhjóladrifsbílum og svo eru sumir ekkert annað en troðningar sem auðveldlega geta spillst í rigningartíð.
Vart þarf að geta þess að allur akstur utan vega er með lögum óheimill á Skagaheiði eins og annars staðar í landinu.

Athugið að áður en farið er til veiða þarf að kaupa veiðileyfi hjá viðkomandi bónda/veiðiréttarhafa. Einnig þegar veiðivatnið er í afréttarlöndum.

Urðarselstjörn er örgrunnt 0,1 km2 vatn sem komið er að á leið í Skálavatn ef tekinn er jeppaslóðinn frá Ketu. Í vatninu er töluvert mikið af sprækum urriða sem eru um 1 ~ 1.5 pund að stærð, en nautsterkir. Hægt er að lenda í veislu ef hitt er á torfuna. Einnig á þarna að vera bleikja og vænn urriði.

Myndir frá Urðarselstjörn:

Góður veiðistaður hér er við útfallið sem er austast í vatninu, en þar er gríttur botn og mikið af urriða heldur sig þar.

Hér eru ýmsar straumflugur baneitraðar, svo sem litlar Black Ghost, og óþyngdar Gray Ghost.
Vatnið er grunnt allt og því ekki þörf á neinum þyngdum flugum.

Urðarselstjörn – vinsælar flugur:

Fleiri veiðistaðir:

Geitakarlsvötn & Þrístikla – Skagaheiði Kelduvíkurvatn – Skagaheiði Selvatn Eystra – Skagaheiði Efra Nesvatn – Skagaheiði