Svæði sem vert er að skoða
Heim / Silungsveiði / Silungsveiði á austurlandi / Þveit við Hornafjörð
Iceland Outfitters
  • Þveit við Hornafjörð

    Bleikja og urriði í bland við sjóbirting

  • Þveit við Hornafjörð

    Bleikja og urriði í bland við sjóbirting

  • Þveit við Hornafjörð

    Bleikja og urriði í bland við sjóbirting

  • Þveit við Hornafjörð

    Bleikja og urriði í bland við sjóbirting

  • Þveit við Hornafjörð

    Bleikja og urriði í bland við sjóbirting

Þveit við Hornafjörð

Þveit er í Nesjahreppi í Austur-Skaftafellssýslu.
Það er í um 450 km. fjarlægð frá Reykjavík og um 10 km. frá Höfn í Hornafirði. Þveit liggur við þjóðveg 1, þannig að aðgangur er auðveldur.

Þveit er 0,91 km2 að flatarmáli, 2 m. hæð yfir sjávarmáli. Myllulækur og Skrápslækur renna í vatnið og Þveitarlækur úr því. Fiskgengt er á milli vatns og sjávar þannig að sjóbirtingur á þangað greiða leið. Annars er mikið magn af smábleikju í vatninu, og einnig hafa heyrst sagnir af flottum urriðum veiddum í vatninu.

Einungis er heimilt er að veiða í landi Stórulágar, sem ræður yfir u.þ.b. helmingnum af vatninu. Veiðsvæðið má betur greina á tilfallandi korti.
Daglegur veiðitími er frá kl 10:00 til kl 22:00, og stendur veiðitímabilið frá 1. apríl til 30. september ár hvert.
Athugið að einungis má veiða með flugu, maðk, eða spón sem agn í Þveit.

Næsta gisting, Fosshótel Vatnajökli, er í um 2 km. fjarlægð frá Þveit. Víða er að finna gistiaðstöðu í nágrenninu.
Einungis má veiða í landi Stórulágar. Ekki er heimilt að veiða í útfalli Þveitarlækjar, sem er sameign Stórulágar og Stapa. Óheimilt er að vera með hunda við vatnið og notkun báta er óheimil án leyfis landeiganda. Veiðimenn þurfa ekki að skrá sig en vera með Veiðikortið tilbúið til að sýna veiðiverði. Mikið fuglalíf er við vatnið og stranglega bannað er að raska ró þeirra. Jafnframt ber veiðimönnum skylda til að ganga snyrtilega um og aka ekki utan vega. Börn yngri en 14 ára veiða frítt í fylgd með korthafa.
Veiðivörður / umsjónarmaður á staðnum: Sigurður Sigfinnsson á Stórulág hefur umsjón með vatninu. Stórulág er staðsett um 2 km. norður af vatninu. s: 478-1353.

Þveit – Vinsælar flugur:

Gefðu svæðinu þína umsögn

Netfang þitt verður ekki birt. Nauðsynlegir reitir eru merktir *

*