Svæði sem vert er að skoða
Heim / Silungsveiði / Silungsveiði á norðurlandi / Þangskálavatn – Skagaheiði
Iceland Outfitters

Þangskálavatn – Skagaheiði

Skagaheiði - Veiðistaðavefurinn

Þangskálavatn er á Skagaheiði, en Skagaheiði er stórkostlegt land sem fáir þekkja, þar er töfrandi fegurð og heillandi möguleikar til útivistar. Landslagið er tiltölulega lágt, yfirleitt undir tvö hundruð metrum. Stórar klettaborgir breiða víða úr sér og í lægðum á milli þeirra eru veiðivötnin sem vart eiga sinn líka hér á landi.

Vegalengd frá Reykjavík er um 340 km +/- eftir því í hvaða vatn skal haldið.

Malarvegur er frá Skagaströnd og fyrir Skaga. Hann tengir saman bæi sem allflestir eru við ströndina. Upp að veiðivötnum liggja víða jeppaslóðar. Örfáir þeirra eru vel færir, jafnvel fyrir fólksbíla, en um aðra þarf að aka á fjórhjóladrifsbílum og svo eru sumir ekkert annað en troðningar sem auðveldlega geta spillst í rigningartíð.
Vart þarf að geta þess að allur akstur utan vega er með lögum óheimill á Skagaheiði eins og annars staðar í landinu.

Athugið að áður en farið er til veiða þarf að kaupa veiðileyfi hjá viðkomandi bónda/veiðiréttarhafa. Einnig þegar veiðivatnið er í afréttarlöndum.

Þangskálavatn er við sjóinn við hlið bæjarins Hrauns. Þetta er um 0,2 km2 sjávarlón.
Einhver bleikja er í vatninu sem tekur frekar illa, en fyrrum var þarna mikil og góð veiði, en eftir að sjór komst í vatnið hefur veiði farið þarna niður á við.

Veiðileyfi er hægt að nálgast á bænum Hraun í síma 453 6526, en vatnið er þó í eigu Þangskála.

Þangskálavatn – veðrið á staðnum

Gefðu svæðinu þína umsögn

Netfang þitt verður ekki birt. Nauðsynlegir reitir eru merktir *

*