Svæði sem vert er að skoða
Heim / Gullskráningar / Svartá í Skagafirði
Iceland Outfitters
  • Svartá í Skagafirði

    Urriðaperla í Skagafirðinum

  • Svartá í Skagafirði

    Urriðaperla í Skagafirðinum

  • Svartá í Skagafirði

    Urriðaperla í Skagafirðinum

  • Svartá í Skagafirði

    Urriðaperla í Skagafirðinum

Svartá í Skagafirði

Svartá Skagafirði - Veiðistaðavefurinn

Svartá í Skagafirði er staðsett í vestanverðum Skagafirðinum, rétt við Varmahlíð, í um 300 km fjarlægð frá Reykjavík.

Svartá í Skagafirði er bergvatnsá sem á upptök sín á Eyvindarstaðaheiði, rennur um Svartárdal og síðan milli Neðribyggðar og Reykjatungu, með þjóðvegi 752, en beygt er inn á hann frá þjóðvegi 1. Hún fellur nokkuð bratt fyrst um sinn inni í Svartárdalnum, en svo hægist verulega á henni þegar niður í byggð er komið.

Veiðisvæði Svartár er 20 km langt og byrjar við Reykjafoss, sem ekki er fiskgengur, en fyrir neðan Reykjafoss liggur Húseyjarkvísl. Efstu mörk veiðisvæðis Svartár er við Ýrarfellsfoss í Svartárdal.

Í Svartá er mest af staðbundnum urriða en einnig slangur af bleikju, og er ánni skipt upp í 3 veiðisvæði sem er skipt niður á þær 4 stangir sem leyfðar eru í ánni á degi hverjum út tímabilið sem nær frá 1. júní til 15. september ár hvert.

Neðsta svæðið nær frá Reykjafossi og upp að Starrastöðum, en á þessu svæði er veitt með 2 stöngum.
Miðsvæðið byrjar fyrir neðan brú við Starrastaði og að brú við Sölvanes sunnar í dalnum, og er veitt með einni stöng á þessu svæði.
Efsta svæðið nær svo frá brúnni við Sölvanes suður að Ýrarfellsfossi, sem er talsvert fyrir innan bæinn Gilhaga, en hér er einnig veitt með einni stöng.

Ekki er hægt að keyra að öllum veiðistöðum í Svartá í Skagafirði. Vegurinn liggur hinsvegar meðfram ánni þó víða þurfi að nota 2 jafnfljóta til að komast að hyljum og veiðistöðum.
Athugið einnig að engar veiðistaðamerkingar eru á bökkunum og þarf því að notast við veiðikort í öllum tilfellum.

Ekkert veiðihús fylgir seldum veiðileyfum, en gistimöguleikar eru hinsvegar ýmsir í nágrenninu. Meðal gistimöguleika við Svartá í Skagafirði er eftirfarandi:

  • Bakkaflöt: Tjaldstæði, gisting í herbergjum, og hægt að leigja sumarhús. Hægt er að fá upplýsingar í síma 453 8245
  • Steinsstöðum: Tjaldstæði og gisting í gistiheimili. Hér er síminn 453 8812.
  • Sölvanes: Bændagisting heima á bæ og í sérhúsi, ofarlega í dalnum. Síminn á Sölvanesi er 453 8068.
Reglur: Verið er vinna að rannsóknum á stofnum árinnar og byggja þá upp, og eru veiðimenn beðnir um að ganga með gát og hlíta veiðireglum í einu og öllu.
Eingöngu er veitt með flugu og skylt er að sleppa öllum veiddum fiski og skrá aflann í veiðibók.
Óskað er eftir því að allur fiskur sé lengdarmældur í Svartá í Skagafirði og skráð númer slöngumerkja sem kunna að vera við bakugga og þessar upplýsingar einnig færðar til bókar. Veiðimenn eru beðnir um að sýna bændum tillitssemi og aka ekki um hlið eða túnslóða nema sýnt sé á korti að þar sé bílastæði.
Veiðibók er í kassa sunnan Mælifellsár, neðan við þjóðveginn suður dalinn.
Ef óskað er eftir frekari upplýsingum um veiði og veiðistaði er hægt að senda tölvupóst til veiðiumsjónarmanns Svartár, Einars Fals, en netfang hans er einarfalur@gmail.com. Hann er einnig í síma 669 1206.
Einnig er það Sigurður Árni í síma 864 6106, eða tölvupóstfanginu sasi@mi.is.

Vinsælar flugur í Svartá í Skagafirði:

Gefðu svæðinu þína umsögn

Netfang þitt verður ekki birt. Nauðsynlegir reitir eru merktir *

*