Svæði sem vert er að skoða
Heim / Silungsveiði / Silungsveiði á norðurlandi / Skálavatn – Skagaheiði
Iceland Outfitters

Skálavatn – Skagaheiði

Skagaheiði - Veiðistaðavefurinn

Skálavatn er á Skagaheiði, en Skagaheiði er stórkostlegt land sem fáir þekkja, þar er töfrandi fegurð og heillandi möguleikar til útivistar. Landslagið er tiltölulega lágt, yfirleitt undir tvö hundruð metrum. Stórar klettaborgir breiða víða úr sér og í lægðum á milli þeirra eru veiðivötnin sem vart eiga sinn líka hér á landi.

Vegalengd frá Reykjavík er um 340 km +/- eftir því í hvaða vatn skal haldið.

Malarvegur er frá Skagaströnd og fyrir Skaga. Hann tengir saman bæi sem allflestir eru við ströndina. Upp að veiðivötnum liggja víða jeppaslóðar. Örfáir þeirra eru vel færir, jafnvel fyrir fólksbíla, en um aðra þarf að aka á fjórhjóladrifsbílum og svo eru sumir ekkert annað en troðningar sem auðveldlega geta spillst í rigningartíð.
Vart þarf að geta þess að allur akstur utan vega er með lögum óheimill á Skagaheiði eins og annars staðar í landinu.

Athugið að áður en farið er til veiða þarf að kaupa veiðileyfi hjá viðkomandi bónda/veiðiréttarhafa. Einnig þegar veiðivatnið er í afréttarlöndum.

Skálavatn er suður af Rangartjörnum nyrðri, og Selvatns á Ketuvatnssvæði. Þetta er 0,2 km2 stórt vatn sem heldur smábleikju sem getur orðið allt að 1 pund, og svo vænum urriða. Mikil grisjun hefur átt sér stað í Skálavatni í gegnum tíðina en það er mat manna að meira þurfi til.

Að vatninu liggur 8 km slæmur jeppaslóði frá Ketu að skála.
Veiðileyfi selur Hrefna á bænum Ketu og er hægt að nálgast upplýsingar hjá henni í síma 453 6523.
Hún getur einnig gefið upplýsingar um gistimöguleika.

Upphafsmynd fengin úr bæklingnum “Veiði á Skagaheiði”

Skálavatn – vinsælar flugur:

Gefðu svæðinu þína umsögn

Netfang þitt verður ekki birt. Nauðsynlegir reitir eru merktir *

*