Svæði sem vert er að skoða
Iceland Outfitters

Norðurá I 5/5 (2)
5/52

Norðurá sem talin er af mörgum vera drottning íslenskra laxveiðiáa er í Borgarfirði, um 110 km fjarlægð frá Reykjavík, ef miðað er við staðsetningu veiðihússins á Rjúpnaási.

Norðurá á upptök sín uppi á Holtavörðuheiði í Holtavörðuvatni og eftir að fjölmargir lækir sameinast ánni verður hún að þeirri stórá sem hún er þegar hún kemur niður af heiðinni. Veiðisvæði Norðurár nær í heild sinni frá brú við Fornahvamm niður að ármótum Norðurár og Hvítár.

Þetta er ein allra besta laxveiðiá landsins og hefur ár eftir ár verið í fremstu röð yfir aflahæstu ár landsins með tæplega 1600 laxa meðalveiði.

Ánni er skipt upp í 3 svæði, Norðurá I sem er neðsta svæðið, Norðurá 2 sem er aðalsvæði Norðurár, og í lokin Fjallið.
Í ánni eru um 170 merktir veiðistaðir. Fjölbreytileiki þeirra er mikill, allt frá nettum strengjum, gljúfrum og upp í stórar og vatnsmiklar breiður. Þrír fossar eru helstir í Norðurá eins og áður er sagt, Laxfoss, Glanni og Krókfoss, hver öðrum fallegri. Af þeim er Laxfoss líklegast sá þekktasti, og hjálpar þar kannski til nafnið á einu sögufrægasta farþegaskipi Íslendinga frá fyrri tíð.

Veiðisvæði Norðurár I tekur breytingum yfir sumarið. Frá 6. júní  (hádegi) nær veiðisvæðið frá og með Kálfhyl á Stekkssvæðinu og upp að brú við Fornahvamm. Frá 6. júlí  (hádegi) nær veiðisvæðið frá Engjanefi við Munaðarnes til og með Hvammsleiti. Frá 1. september og til loka veiðitímans 8. sept. nær veiðisvæðið frá Engjanefi og að Króksfossi.

Eingöngu er leyfð veiði á flugu og skal öllum laxi 70 cm eða stærri sleppt.
Kvóti er 5 laxar á stöng á dag.

2 umsagnir

  1. Drottningin í laxveiði

    5/5

    5/5

  2. Jón Þór Sigurðsson

    “Norðurá fegurst áa” Sannarlega paradís laxveiðimannsins.

    5/5

    5/5

Gefðu svæðinu þína umsögn

Netfang þitt verður ekki birt. Nauðsynlegir reitir eru merktir *

*