Svæði sem vert er að skoða
Heim / Veiðileyfasalar / Iceland Outfitters / Leirá í Leirársveit
Iceland Outfitters
  • Leirá í Leirársveit

    Lítil og nett lax- og sjóbirtingsá í nágrenni Reykjavíkur

  • Leirá í Leirársveit

    Lítil og nett lax- og sjóbirtingsá í nágrenni Reykjavíkur

  • Leirá í Leirársveit

    Lítil og nett lax- og sjóbirtingsá í nágrenni Reykjavíkur

  • Leirá í Leirársveit

    Lítil og nett lax- og sjóbirtingsá í nágrenni Reykjavíkur

Leirá í Leirársveit

Leirá í leirársveit - Veiðistaðavefurinn

Leirá er í Leirársveit er lítil og viðkvæm tveggja stanga laxveiði- og sjóbirtingsá í ægifögru umhverfi. Hún er einungis í um 40 mín akstursfjarlægð frá Reykjavík, skammt frá Laxá í Leirársveit sem er mun þekktari en Leirá, og nýtur góðs af nærveru hennar.

Áin er frekar nett veiðiá og er mikilvægt að fara varlega um bakka hennar til að ná góðum árangri. Í ánni eru um 24 merktir veiðistaðir sem ágæt aðkoma er að, sérstaklega í neðri hluta árinnar, en heildarlengd veiðisvæðisins telur um 4km. Hafa allt að 60 laxar veiðst í ánni á ári sem telst all gott miðað við stærð.

Þarna er oftast fín sjóbirtingsveiði vorin auk þess sem bleikja veiðist oft í ósnum í maí og júní, en tímabilið í Leirá hefst 1. apríl og nær til 10. október. Veiðiímabilið skiptist þannig að frá 1. apríl til 15 maí er þar veiddur sjóbirtingur, og frá 10. júlí til 10. október er veiddur lax.

Leyfðar eru 2 stangir á dag í Leirá sem ávallt eru seldar saman og er eingöngu er leyfð veiði á flugu, og skal öllum fiski sleppt aftur. Daglegur veiðitími er frá morgni til kvölds.

Lítið og huggulegt veiðihús fylgir ánni með seldum leyfum. Í húsinu er eitt herbergi með tveimur rúmum, og svefnloft með svefnplássi fyrir tvo til þrjá. Einnig er hægt að leigja húsið utan veiðitíma. Í veiðihúsinu er að finna gasgrill og gaseldavél.

Það eru Iceland Outfitters sem hafa Leirá á leigu og selja í hana veiðileyfi.

Veiðimenn meiga mæta í veiðihús klst fyrir veiðitíma og yfirgefa veiðihúsið klst eftir að veiðitíma líkur . Skylt er að ganga vel um og þrífa vel áður en menn yfirgefa veiðihúsið og eru veiðimenn beðnir að taka allt rusl með sér úr veiðihúsinu.

Eru veiðimenn beðnir að virða allar veiðireglur og umgengnisreglur.

Góðar flugur í ánna eru allar helstu sjóbirtingsflugur á sjóbirtingstímanum, og yfir laxveiðitímann eru litlar flugur ávísun á góðan árangur árangur.

Gefðu svæðinu þína umsögn

Netfang þitt verður ekki birt. Nauðsynlegir reitir eru merktir *

*