Svæði sem vert er að skoða
Iceland Outfitters
  • Laxárvatn í Dölum

    Skemmtileg urriðaveiði í Dölunum

  • Laxárvatn í Dölum

    Skemmtileg urriðaveiði í Dölunum

Laxárvatn í Dölum

Laxárvatn er á Laxárdalsheiði í Dölum í um 180 km fjarlægð frá Reykjavík, og um 30 km fjarlægð frá Búðardal. Laxá í Dölum á upptök sín í Laxárvatni. Vatnið er um 0,5 km2 að stærð og í um 150m hæð yfir sjávarmáli.

Ekið er um Bröttubrekku í áttina að Búðardal, ef komið er að sunnan, annars farið hefðbundnar leiðir frá Norðurlandi eða Vestfjörðum. Rétt áður en komið er að Laxá í Dölum er beygt upp Laxárdalinn og ekið að bænum Sólheimum til að skrá sig. Til að komast að vatninu er best að fara inn á gamlan veg, sem liggur frá þjóðvaeginum og niður með Lægðarlæk, en þar er hægt að leggja bílum og ganga niður að vatni.

Nokkuð góð veiði er í Laxárvatni, en einungis urriði er í vatninu og er algeng stærð um 1-3 pund.
Daglegur veiðitími er frá morgni til kvölds, en skráning inn á veiðistæðið þarf hinsvegar að vera á milli kl 7:00 til kl 22:00.
Nokkuð jöfn og góð veiði er yfir tímabilið sem nær frá 1. maí og líkur 30. september.

Heimilt er að veiða í öllu vatninu, og er leyfilegt agn fluga, maðkur og spónn.
Stranglega bannað er að leggja net.

Hægt er að tjalda endurgjaldslaust við vatnið á eigin ábyrgð og í samráði við landeiganda, end þar er þó enga hreinlætisaðstöðu að finna.
Veiðimenn verða að skrá sig við komu á bænum Sólheimum áður en haldið er til veiða, en sýna þarf Veiðikortið og skilríki. Einnig fá veiðimenn veiðiskýrslu, sem þarf að skila útfylltri við lok veiða. Aðeins er heimilt að koma til veiða milli 7:00 og 22:00. Öll umferð á mótorhjólum / fjórhjólum er bönnuð nema í samráði við veiðivörð. Börn yngri en 14 ára veiða frítt í fylgd korthafa. Hundar eru bannaðir á svæðinu.
Veiðivörður / umsjónarmaður á staðnum: Guðbrandur Ólafsson á Sólheimum, S: 858-1961 eða 434-1299.

Gefðu svæðinu þína umsögn

Netfang þitt verður ekki birt. Nauðsynlegir reitir eru merktir *

*