Svæði sem vert er að skoða
Heim / Silungsveiði / Silungsveiði á norðurlandi / Kringluvatn í Suður Þingeyjarsýslu
Iceland Outfitters
  • Kringluvatn í Suður-Þingeyjasýslu

    Skemmtileg silungsveiði árið um kring

  • Kringluvatn í Suður-Þingeyjasýslu

    Skemmtileg silungsveiði árið um kring

  • Kringluvatn í Suður-Þingeyjasýslu

    Skemmtileg silungsveiði árið um kring

  • Kringluvatn í Suður-Þingeyjasýslu

    Skemmtileg silungsveiði árið um kring

Kringluvatn í Suður Þingeyjarsýslu

Kringluvatn er í Suður Þingeyjarsýslu og er u.þ.b. 0,6 km2 að stærð og í tæplega 270 m. yfir sjávarmáli. Úr vatninu fellur Geitafellsá í Langavatn. Mesta dýpi er um 12 m. Mjög góð dorgveiði er einnig í vatninu og geta korthafar veitt allt árið. Vatnið er mjög barnvænt.
Vatnið í um 440 km. frá Reykjavík og tæplega 40 km. fjarlægð frá Húsavík.

Bæði urriða og bleikju má finna í vatninu en talsvert veiðist af vænum urriða, sérstaklega í dorgveiði.
Veiði er heimil í öllu vatninu frá morgni til kvölds allt tímabilið, sem nær yfir allt árið.

Besti veiðitíminn er að öllu jöfnu árdegis og síðla dags, sem annars er jöfn yfir allt veiðitímabilið.
Heimilt er að veiða með flugu, maðk, og spón í Kringluvatni.

Veiðikortshafar geta tjaldað endurgjaldslaust á merktu tjaldsvæði, sem þó er án hreinlætisaðstöðu. Einnig má kaupa gistingu hjá Ferðaþjónustunni Heiðarbæ, sem er í um 10-15 km. fjarlægð norðan við vatnið.
Nauðsynlegt er að fara að öllu með gát á vorin vegna aurbleytu á vegum.
Veiðimenn eru beðnir um að skilja ekki eftir sig rusl og forðast að aka utan vegar. Hundahald er bannað við vatnið vegna fuglalífs. Korthafar Veiðikortsins skrá sig hjá ferðaþjónustunni Heiðarbæ, og sýna Veiðikortið og persónuskilríki. Börn yngri en 14 ára veiða frítt í fylgd með korthafa.
Veiðivörður / umsjónarmaður á staðnum: Ferðaþjónustan Heiðarbæ, s: 464-3903

Gefðu svæðinu þína umsögn

Netfang þitt verður ekki birt. Nauðsynlegir reitir eru merktir *

*