Kelduvíkurvatn – Skagaheiði

Malarvegur er frá Skagaströnd og fyrir Skaga. Hann tengir saman bæi sem allflestir eru við ströndina. Upp að veiðivötnum liggja víða jeppaslóðar. Örfáir þeirra eru vel færir, jafnvel fyrir fólksbíla, en um aðra þarf að aka á fjórhjóladrifsbílum og svo eru sumir ekkert annað en troðningar sem auðveldlega geta spillst í rigningartíð.
Vart þarf að geta þess að allur akstur utan vega er með lögum óheimill á Skagaheiði eins og annars staðar í landinu.

Athugið að áður en farið er til veiða þarf að kaupa veiðileyfi hjá viðkomandi bónda/veiðiréttarhafa. Einnig þegar veiðivatnið er í afréttarlöndum.

Kelduvíkurvatn er í nágrenni bæjarins Hrauns, en þar eru seld veiðileyfi í vatnið. Vatnið er þó í eigu Þangskála. Þetta er 0,3 km2 vatn og er örstutt í það frá þjóðveginum.
Í vatninu er bleikja sem er 1-2 pund að stærð, en einnig urriði sem er allvænn og hafa heyrst sögur af ekki minni urriða en 3 pund og allt að 5-6 pund.

Veiðiréttur í vatninu er hjá 2 jörðum, en bærin Hraun sér um sölu veiðileyfa fyrir báðar jarðir. Skiptist því vatnið til helminga frá læknum sem er fyrir miðju vatni. Norðan megin í vatninu er fyrir landi Hrauns.

Verð veiðileyfa er tiltölulega hátt þar sem einungis er selt í hálft vatn í senn, og þarf að borga tvöfalt ef veiða á í öllu vatninu. Hinsvegar fylgja þá helmingi fleiri vötn, svo það er bara plús.

Sterkar flugur hér eru til að mynda Gray Ghost og litlar svartar pöddur eins og Langskeggur.
Reynst hefur vel að fara ekki langt út í og henda með með bakkanum en þar er einskonar malarkantur og virðist sem fiskurinn vilji mikið hanga þar frekar en úti í vatninu.

Upphafsmynd fengin úr bæklingnum “Veiði á Skagaheiði”

Kelduvíkurvatn – vinsælar flugur:

Fleiri veiðistaðir:

Urðarselstjörn – Skagaheiði Geitakarlsvötn & Þrístikla – Skagaheiði Neðstavatn – Skagaheiði Steinatjörn – Skagaheiði