Veiðistaðavefurinn
Hólsá – Borgarsvæði er þekkt veiðisvæði neðst í vatnakerfi Rangánna, og tekur við frá neðsta svæði Ytri Rangá og nær niður á veiðisvæði Hólsá – Vesturbakki.
Svæðið er í um 85 km fjarlægð frá Reykjavík, en ekið er niður Þykkvabæjarveg áður en komið er inn á Hellu.
Svæðið hefur hingað til verið veitt með 4 stöngum, en með breytingum er það nú veitt með 2 stöngum, og er verðum á leyfum stillt í hóf.
Ekkert veiðihús fylgir svæðinu. Mikið framboð er af allskyns gistimöguleikum á svæðinu.
Hér er frábær veiðivon því allur lax sem gengur upp í Ytri og Eystri Rangár ganga hér í gegn.
Veiði undanfarin ár hefur verið 1000 – 1300 laxar á Borgarsvæðinu.
