Svæði sem vert er að skoða
Heim / Gullskráningar / Hlíðarvatn í Selvogi
Iceland Outfitters
  • Hlíðarvatn í Selvogi

    Stórbleikjuvatn í mögnuðu umhverfi

  • Hlíðarvatn í Selvogi

    Stórbleikjuvatn í mögnuðu umhverfi

  • Hlíðarvatn í Selvogi

    Stórbleikjuvatn í mögnuðu umhverfi

  • Hlíðarvatn í Selvogi

    Stórbleikjuvatn í mögnuðu umhverfi

  • Hlíðarvatn í Selvogi

    Stórbleikjuvatn í mögnuðu umhverfi

Hlíðarvatn í Selvogi 4/5 (2)
4/52

Hlíðarvatn í Selvogi - Veiðistaðavefurinn

Hlíðarvatn í Selvogi er einstaklega fallegt og frjósamt bleikjuvatn sem er rúmlega 3,3 km² að stærð og í 1 m hæð yfir sjó. Mesta dýpi þess er 5 metrar, en meðaldýpið er hinsvegar tæplega 3 metrar. Hlíðarvatn í Selvogi er í stórbrotnu umhverfi þar sem náttúrufegurðin er heillandi.

Hlíðarvatn í Selvogi er í eigu Strandarkirkju sem á jarðirnar sem umlykja vatnið, Hlíð, Vogsósa, og Stakkvík.

Vatnið er í um 60 km fjarlægð frá Reykjavík sé ekið í gegnum Þrengslin.
Einnig er hægt að komast í Hlíðarvatn í gegnum Krísuvík, en Hlíðarvatn er staðsett á milli Þorlákshafnar og Krísuvíkur.

Mikið er af fiski í vatninu, mest bleikja, og getur hún orðið ógnarstór. Bleikjur allt að 8 pund hafa verið að falla fyrir agni veiðimanna síðustu ár. Bleikjan þarna er hinsvegar eins og bleikja er yfirleitt, dintótt, og ekki alltaf reiðubúin að taka agnið. Þá er um að gera að prófa sig áfram með taumlengd, stærð og gerðir flugna, og línuþyngdir.
Hlíðarvatn í Selvogi hefur hinsvegar í gegnum árin verið á stalli sem eitt gjöfulasta bleikjuveiðivatn landsins.

Það er gott að hafa í huga að mikil fluga getur safnast saman við vatnið yfir hásumarið, og gott er því að hafa með sér flugnanet ef hún verður ágeng, sem ekki er alltaf. Hugsanlegt að þessi mergð flugna sé ein ástæða þess að bleikjurnar í vatninu verði jafn ógurlega stórar og raun ber vitni, og fjöldinn mikill.
Það hafa margir horft á svarta flekki í vatninu hér og þar þegar kemur fram á haustið, en þar eru stórar torfur af bleikju, og getur veiðin orðið ævintýraleg ef slíkir staðir finnast, og eru í kastfæri.

Maðkveiði er með öllu bönnuð í vatninu en leyfileg er veiði með spón og flugu út tímabilið sem nær frá 1. maí til byrjun september ár hvert.

Fimm veiðifélög skipta á milli sín vatninu og selja veiðileyfi til almennings. Með hverju veiðileyfi fylgir veiðihús við vatnið.
Frá vatninu blasir við hluti hinnar hafnlausu suðurstrandar landsins og ein merkilegasta kirkja þess, Strandarkirkja.

Seldar eru allt að 14 stangir í Hlíðarvatn á dag, sem skiptast niður á þau veiðifélög sem selja veiðileyfi.

Stangaveiðifélagið Árblik er eitt þeirra félaga sem leigir veiðirétt í Hlíðarvatni en félagið var stofnað 1988 og leigir út 2 stangir ásamt veiðihúsi.

Veiðihús Árbliksmanna er staðsett við hlið Botnavíkur, sem löngum hefur verið einn vinsælasti staður Hlíðarvatns.
Þetta er lítið og notarlegt hús með gistirými fyrir allt að 5 manns. Og eins og flest hús við Hlíðarvatn er húsið gaskynnt, og er sólarsella notuð fyrir vatn og ljós í húsinu.

Veiðimenn þurfa að taka með sér hluti eins og borðtuskur, og viskastykki, og upplýsingar um númer að lyklahúsi utan á veiðihúsinu verður einungis gefið upp eftir að veiðileyfi hefur verið verslað.

 

Hjá Árbliki má hefja veiðar kl 20:00 fyrir úthlutaðan veiðidag, og skal ljúka kl. 20:00 næsta dag. Veiðihúsinu skal hinsvegar skila hreinu klukkan 19:00 fyrir næstu veiðimenn.
Hlíðarvatn í Selvogi er einstaklega fallegt og frjósamt bleikjuvatn sem er rúmlega 3,3 km² að stærð og í 1 m hæð yfir sjó. Mesta dýpi þess er 5 metrar, en meðaldýpið er hinsvegar tæplega 3 metrar. Hlíðarvatn í Selvogi er í stórbrotnu umhverfi þar sem náttúrufegurðin er heillandi. Hlíðarvatn í Selvogi er í eigu Strandarkirkju sem á jarðirnar sem umlykja vatnið, Hlíð, Vogsósa, og Stakkvík. Vatnið er í um 60 km fjarlægð frá Reykjavík sé ekið í gegnum Þrengslin. Einnig er hægt að komast í Hlíðarvatn í gegnum Krísuvík, en Hlíðarvatn er staðsett á milli Þorlákshafnar og Krísuvíkur. Mikið er…

Umsögn Veiðistaðavefsins

Verð veiðileyfa
Aðkoma að veiðistöðum
Umhverfi
Almenn ánægja

Mjög gott

Umsögn : Hér gefur að líta stjörnugjöf Veiðistaðavefsins. Þessi stigagjöf hefur EKKI áhrif á heildarstigagjöf notenda sem gefur að líta fyrir aftan nafn veiðisvæðis. Þetta mat er sjálfstætt og er eingöngu mat aðstandenda Veiðistaðavefsins.

Vinsælar flugur í Hlíðarvatn í Selvogi:

 

2 umsagnir

  1. Sigurður Hafsteinsson

    Hægt að setja í flotta fiska þarna, oft mikið af 1-2p, og síðan, eins og gengur og gerist, þá koma dagar þarna sem maður verður ekki var. Flottur staður og fín veiðihús, Hfj. og Selfoss.

    3/5

    3/5

  2. Haraldur G.agnússon

    Einn af mínum uppáhaldsstöðum og öll veiðihúsin góð

    5/5

    5/5

Gefðu svæðinu þína umsögn

Netfang þitt verður ekki birt. Nauðsynlegir reitir eru merktir *

*