Svæði sem vert er að skoða
Heim / Silungsveiði / Silungsveiði á vesturlandi / Baulárvallavatn á Snæfellsnesi
Iceland Outfitters
  • Baulárvallavatn

    Skemmtilegt veiðivatn í alfaraleið

  • Baulárvallavatn

    Skemmtilegt veiðivatn í alfaraleið

  • Baulárvallavatn

    Skemmtilegt veiðivatn í alfaraleið

  • Baulárvallavatn

    Skemmtilegt veiðivatn í alfaraleið

Baulárvallavatn á Snæfellsnesi 3/5 (1)
3/51

Baulárvallavatn - Veiðistaðavefurinn

Baulárvallavatn er á Snæfellsnesi, í um 160 km fjarlægð frá Reykjavík, og um 15 km í suður frá bæði Grundarfirði og Stykkishólmi, á leið frá Vegamótum í norður. Nýja vatnaleiðin á Snæfellsnesi gerir það að verkum, að hægt er að aka alveg upp að vatninu.

Baulárvallavatn er um 1,6 km2 að stærð og 47 metra djúpt, þar sem það er dýpst. Vatnið er í um 193 m. yfir sjávarmáli. Þangað rennur Vatnaá og úr því rennur Baulá, sem síðar sameinast Straumfjarðará, sem er fræg fyrir góða laxveiði.

Heimilt er að veiða frá norðurbakka Vatnsár að útfalli Straumfjarðarár.
Góð urriðaveiði er í vatninu en meðalþyngdin er um 2-3 pund, en algengt er að þar veiðist einnig stærri fiskar, allt að 5-6 pund, og þá einkum í ljósaskiptunum.

Leyfilegt er að veiða frá morgni til kvölds út tímabilið sem spannar frá því ísa leysir og fram til 30. september ár hvert, og nokkuð jöfn veiði er allt sumarið.
Einungis er heimilt að nota flugu, maðk, og spón sem agn í Baulárvallavatni.
Fiskur getur legið djúpt og þarf þá að sökkva agninu. Spónn og maðkur gefa að jafnaði ágæta veiði. Í ljósaskiptunum ferðast urriðinn inn á grunnið við landið og þá er gott að nota flugu.

Tjalda má endurgjaldslaust við Baulárvallavatn, en hvorki er þar um skipulagt tjaldstæði né hreinlætis­aðstöðu að ræða.
Veiðimenn eru beðnir um að skilja ekki eftir sig rusl og ganga vel um svæðið. Korthafar verða að skrá sig í Vegamótum og sýna þarf bæði Veiðikortið og persónuskilríki. Börn yngri en 14 ára veiða frítt í fylgd með korthafa.
Tengiliður á staðnum / veiðivörður: Vegamót S: 435-6690 og Ástþór S:894-4096.
Baulárvallavatn er á Snæfellsnesi, í um 160 km fjarlægð frá Reykjavík, og um 15 km í suður frá bæði Grundarfirði og Stykkishólmi, á leið frá Vegamótum í norður. Nýja vatnaleiðin á Snæfellsnesi gerir það að verkum, að hægt er að aka alveg upp að vatninu. Baulárvallavatn er um 1,6 km2 að stærð og 47 metra djúpt, þar sem það er dýpst. Vatnið er í um 193 m. yfir sjávarmáli. Þangað rennur Vatnaá og úr því rennur Baulá, sem síðar sameinast Straumfjarðará, sem er fræg fyrir góða laxveiði. Heimilt er að veiða frá norðurbakka Vatnsár að útfalli Straumfjarðarár. Góð urriðaveiði er…

Umsögn Veiðistaðavefsins

Verð veiðileyfa
Aðkoma að vatninu
Umhverfi
Möguleiki á afla

Ágætt

Umsögn : Umsögn : Hér gefur að líta stjörnugjöf Veiðistaðavefsins. Þessi stigagjöf hefur EKKI áhrif á heildarstigagjöf notenda sem gefur að líta fyrir aftan nafn veiðisvæðis. Þetta mat er sjálfstætt og er eingöngu mat aðstandenda Veiðistaðavefsins.

Baulárvallavatn – Vinsælar flugur:

Ein umsögn

  1. Halldór Gunnarsson

    Hef farið nokkrum sinnum að veiða þarna og hef bara fengið fiska í einum túrnum, og þá nokkuð væna fiska. Önnur skipti hef ég varla séð líf … en ég veit þeir eru þarna.

    3/5

    3/5

Gefðu svæðinu þína umsögn

Netfang þitt verður ekki birt. Nauðsynlegir reitir eru merktir *

*